رُوح افزا
روضۂ مقدسہ سے کچھ فاصلے پر اُتّر کی سمت ایک عبادت گاہ ہے، اس کانام روح افزا رکھاگیا، یہ وہی جگہ ہے جو چہارگذر کے نام سے مشہور ہے۔ یہ جگہ بھی اس بڑے تالاب کے کنارے ہے اور بڑی پُرفضا اور سکون بخش ہے۔ ایک چھوٹی سی عمارت بنی ہوئی ہے، جس کے چاروں سمت دروازے ہیں، اور عمارت کے اوپر چھوٹا سا گنبدبناہے۔ اب اس عمارت کے چاروں طرف پچھم کی سمت کچھ بڑھاکر چیوترہ قناتی مسجد کے انداز میں بنادیاگیاہے۔ یہ جگہ عبادت کے لیے بہت موزوں ہے، حضرت غوث العالم اس جگہ کے بارے میں فرماتے ہیں کہ:۔
”با یاراں واصحاب خود میگفتند کہ درین جا رونق باشد کہ مردم اطراف نہ باشد وا کابر روزگار و اصاغز دیار درين جا آیند و رجال الغيب و اوتار و اخیار و دیگر اولیاء روز گار ہمہ درین جا بیایند وفیض گیرند زنہار زنہار اصحاب واجباب ما ازیں جافیض برند“۔
حضرت غوث العالم اپنے یاروں اوراصحاب سے فرماتے تھے کہ اس جگہ وہ رونق ہو گی جواطراف کے لوگوں کو نصیب نہیں ہے، رجال الغیب،اوتار و اخیار و اولیاء روزگار اس جگہ سب آتے ہیں اور فیض حاصل کرتے ہیں۔ میرے اصحاب واحباب ضرور بالضروراس جگہ سے فیض یاب ہوں۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972